National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Ақорда

Мемлекет басшысы Нұрсұлтан Назарбаевтың Рождество мерекесімен құттықтауы

2015 жылғы 07 қаңтар

 

Қымбатты отандастар!

 

Православие христиандарын және күллі қазақстандықтарды жарқын да ізгі мереке – Рождество мейрамымен құттықтаймын!

Екі мың жыл бойы Рождество мерекесі діндарлардың жүрегіне қуаныш пен үміт ұялатып, қайырымдылық пен әділдікке, мейірімділік пен кешірімділікке сенудің нышаны болып келеді. Бұл – ізгі ниеттер мен қайырымды істердің, көмекке мұқтаж адамдарға қамқорлықтың уақыты.

Біздің заманымызда православтар қауымы өздерінің ғибадат ету дәстүрін жалғастырып келеді. Ол адамдардың діни сеніміне, руханият қайнарынан сусындауына көмектесіп, моральдық ұстанымдары мен дәстүрлі отбасылық құндылықтарын нығайтуда.

Православие христиандары еліміздегі конфессияаралық келісімді, қоғамдық тұрақтылық пен татулықты сақтауға сүбелі үлес қосып келеді. Қазақстандықтар діни нанымдары мен этностық шығу тектеріне қарамастан қуаныштарын бір-бірімен бөліседі.

Осы жарқын мерекеде барша діндарларға денсаулық, рухани күш, игі бастамаларына сәттілік тілеймін! Шаңырақтарыңыздан шаттық, татулық пен молшылық кетпесін!


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің