National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Ақорда

Мемлекет басшысы Нұрсұлтан Назарбаевтың атына Павлодар облысы Екібастұз қаласының тұрғындарынан хат келді

2012 жылғы 28 желтоқсан

 

Авторлар Тәуелсіздік күні қарсаңында қалада музыка мектебінің жаңа ғимараты ашылғаны туралы хабарлаған.

Бұрындары сабақ қолайсыз бөлмелерде оқытылатын. 2011 жылы екібастұздықтар Мемлекет басшысына музыка мектебінің құрылысына көмек көрсету туралы өтініш білдірген.

Нұрсұлтан Назарбаевтың тапсырмасына сәйкес, қаладағы оқу орнының талабына сай келетін қазіргі ғимаратты салу жобасы әзірленіп, табысты жүзеге асырылған.  

«Мемлекеттік-жекеменшік серіктестік аясында салынған және қазіргі заманның барлық талаптарына сай келетін мектеп есігін жоспарланған мерзімнен сегіз ай бұрын ашты» делінген хатта.

Бүгінде мектепте 580 талантты бала оқып жатыр. Бес бөлмеде 52 педагог-музыкант он мамандық бойынша сабақ береді. Осындай қамқорлықтың нәтижесінде Екібастұзда жастардың мәдени және рухани дамуы үшін мүмкіндіктер кеңінен қарастырылғаны хатта атап өтілген. Бұл музыка мектебін тұрғындар кіші консерватория деп атап кеткен.

Хат иелері қалалықтар Мемлекет басшысына біздің еліміздегі жасампаздық, бейбітшілік пен келісім саясаты үшін өз ризашылықтарын білдіретінін жеткізген.

«Сізге денсаулық және біртұтас Қазақстан халқының игілігі жолындағы қызметіңізге табыс тілейміз» деп атап өткен екібастұздықтар.

 


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің