National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Астана, Қазақстан

Мемлекет басшысы «Қазақстан Парамаунт Инжиниринг» ЖШС бірлескен кәсіпорнының доңғалақты броньды машиналар шығаратын зауытында болды

2015 жылғы 30 қараша

 

Қазақстан Президенті – Қарулы Күштердің Жоғарғы Бас қолбасшысы зауыттың өндірістік орынжайларын аралап, шығарылатын өнім түрлерімен танысты.

Сонымен қатар кәсіпорынның еңбек ұжымымен әңгімелескен Елбасы зауыттың жұмысы елдің қорғаныс қабілетін нығайту тұрғысынан маңызды екенін атап өтіп, жұмысшыларға табыс тіледі. Еңбек ұжымының мүшелері өз жетістіктері жөнінде әңгімеледі және бүгін жария етілген Қазақстан халқына Жолдауды қолдайтындарын жеткізді.

***

Орталық Азияда алғаш рет жүзеге асырылған бұл жоба қорғаныс және машина жасау индустриясына сапалы серпіліс әкелетін кәсіпорын құруға мүмкіндік береді.

Зауыттың өндірістік қуаты жылына өз санаты бойынша бірқатар көрсеткіштер жөнінен үздік саналатын  доңғалақты броньды 120 машина шығаруға жетеді. Техникалық жабдықталу деңгейі жоғары кәсіпорын әскери және азаматтық мақсатқа арналған техникалар өндірісі саласындағы кең ауқымды міндеттерді жүзеге асырады деп болжанып отыр.

Зауытта өндірілетін барлық өнім халықаралық стандарт негізінде жасалатындықтан, оны Қазақстанның ішінде де, сыртқы нарықтарда да өткізуге мүмкіндік бар.

Кәсіпорында 150 жұмыс орны пайда болып, 55 инженер мен техника саласындағы мамандар Қазақстанда және шетелде оқытылды. Жобаны «Қазақстан инжиниринг» Ұлттық компаниясы» АҚ, «Қазақстан инжиниринг Дистрибьюшн» ЖШС және «Парамаунт групп» компаниясы (ОАР) жүзеге асыруда.

«Парамаунт групп» жаһандық қорғаныс, бітімгершілік күштері және ішкі қауіпсіздік үшін интеграцияланған шешімдерді қамтамасыз ететін ірі аэроғарыш және қорғаныс компаниясы болып саналады. 


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің