Бөлімдер санаты

Жаңалықтар

7 қыркүйек 2008
Қазақстан Республикасының Мемлекеттік хатшысы Қанат Саудабаев Астанада V-ші Халықаралық «Еуразия» кинофестивалінің салтанатты ашылу рәсіміне қатысты.

Мемлекеттік хатшы сөзінің басында ұлттық мәдениеттің байлығы мен сан алуандығы болмаса, қазіргі әлемдегі мемлекеттің дами да алмайтынын, бәсекеге де қабілетсіз болатынын мәлімдеді. Мәдениетімізге мемлекет тарапынан көрсетілетін тұрақты қолдау нақ осыған байланысты. Әсіресе бұл қазақ кинематографиясының дамуынан айқын көрінеді. Кино өнерінің дамуына қуатты серпін берген 80-ші жылдардағы қазақ киносының «жаңа толқыны» бәріміздің есімізде. Бүгінде соңғы жылдары тәуелсіз Қазақстан кинематографы өзіндік қайта өрлеу кезеңін басынан өткеріп отыр деуге толық негіз бар.


- Ұлттық киноиндустрияны бюджеттік қаржыландыру артты, талантты киногерлердің жаңа буыны пайда болды. Қазақстандық фильмдер мен оларды жасаушылар ең беделді халықаралық кино байқауларына қатысып, жеңімпаз атануда. Киногерлердің халықаралық ынтымақтастығы кеңейіп келеді. Осылайша, бүгінде біздің кино өнері Қазақстанға әлемді, әлемге – Қазақстанды танытып отыр.


- Тәуелсіз Қазақстанға небәрі 17 жыл, өзгерістердің тереңдігі мен түбегейлігі жағынан осы жылдар тұтас бір дәуірге тең, - деп атап өтті Қ.Саудабаев.


Барлық жаңалықтар
 
Басқа жаңалықтар
Барлық жаңалықтар