Мемлекет басшылары Қазақстан-Ресей қарым-қатынастарын дамытудың өзекті мәселелерін, сондай-ақ таяу уақытта «Орнықты даму және жоғары технология саласындағы ынтымақтастық» негізгі тақырыбына айналатын Өскемендегі Қазақстан мен Ресей VII өңіраралық ынтымақтастығы форумын өткізу жайын талқылады.

Президент үшінші сессия жұмысының қорытындылары заң шығармашылық қызметінің сапасы арта түскенін көрсететінін атап өтті.

- Еліміздің құқықтық базасы құқық қорғау органдарын реформалауға, қылмыспен және жемқорлықпен күресті күшейтуге бағытталған заңдармен нығайтылды. Қаржылық және экономикалық қатынастар, бюджеттік және тариф саясаты туралы, салық салу саласындағы нормалар жетілдірілді. Энергия үнемдеу және су ресурстарын ұтымды пайдалануды ынталандыру үшін заңнамалық негіз құрылды. Жаңа заңнаманың үлкен блогы азаматтардың жекелеген санатын қолдауға және тұрғындарды кепілді көлемді тегін медициналық көмекпен қамтамасыз етуге бағытталды, - деді Мемлекет басшысы.

Осы этнокешенде Мемлекет басшысы Қазақстан Республикасы Конституциясының 15 жылдығына арналып ашылған жаңа диорамалық павильонда болды. Президентке ел тарихының негізгі елеулі кезеңдеріне арналған экспозиция көрсетілді.

Кездесу барысында Президент ағымдағы жылдың 31 тамызында Қаржы нарығын және қаржы ұйымдарын реттеу мен қадағалау агенттігінің басқармасында «БТА Банк» АҚ қайта құрылымдау жоспары бекітілгені туралы хабардар болды.

Кездесу барысында Қазақстанның мәдениетін дамытудағы өзекті мәселелер мен өскелең ұрпақты патриоттық рухта тәрбиелеудегі қаламгерлердің рөлі талқыланды.

М.Құл-Мұхаммед Президентті Қазақстанда тұрып жатқан барлық этностардың тілін сақтай отырып, ұлттық бірлікті нығайтудың маңызды факторы ретінде мемлекеттік тілдің кең ауқымда қолданылуын қамтамасыз етуге тиісті Тілдерді қолдану мен дамытудың 2011-2020 жылдарға арналған мемлекеттік бағдарламасы жобасының негізгі бағыттары туралы хабардар етті.

Президент «Солтүстік шұғыласы» тұрғын үй кешенінде болды. Кешен 165 бизнес-кластық пәтерден тұрады, оның 30 пәтері үлескерлердікі. Қалған 135-і алдағы кезде сатып алу құқығы негізінде жалға берілетін болады. Барлық пәтерлер толық әрленген әрі қоныстану үшін дайын.

Мемлекет басшысы сондай-ақ ағымдағы жылғы қарашада пайдалануға берілетін «Изумрудный квартал» деп аталатын 39 қабатты әкімшілік корпусы кешенін аралап көрді. Ғимараттың жалпы алаңы 112 мың шаршы метр.

Өскеменге келген Президент қаланың орталық алаңында ішкі істер органдарының өкілдерімен кездесті және жаңартылған облыстың ІІД автопаркімен танысып шықты.