Кездесу кезінде этникааралық қатынастар мен аз ұлттар құқығын қорғауды үйлестіру саласындағы Қазақстанның ЕҚЫҰ-мен ынтымақтастығын одан әрі нығайту мәселесі талқыланды.
ЕҚЫҰ-ның аз ұлттар ісі жөніндегі Жоғарғы комиссарының ұсынысын ескере отырып, Қазақстанда соңғы жылдары қоғамды одан әрі топтастыруға, этникааралық және конфессияаралық келісімді нығайтуға, мемлекеттік органдардың этномәдени бірлестіктермен өзара іс-қимылының тиімді жүйесін құруға, аз ұлттар тілдерінде білім жүйесін жетілдіруге бағытталған бірқатар жобалар іске асырылғаны атап өтілді.
Қазақстанның ЕҚЫҰ-ға 2010 жылғы жемісті төрағалығы ерекше атап өтілді. Президент Н.Ә. Назарбаевтың көшбасшылығы арқасында Астанада төзімділік пен кемсітпеушілік жөніндегі ЕҚЫҰ-ның жоғары деңгейдегі конференциясы және Еуропадағы қауіпсіздік және ынтымақтастық ұйымының жаңа мыңжылдықтағы тарихи алғашқы Саммиті тәрізді осындай тарихи оқиғалар болып өтті.