National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Ақорда

Бүгін Мемлекет басшысы Нұрсұлтан Назарбаев Денсаулық сақтау министрі Салидат Қайырбекованы қабылдады

2013 жылғы 30 қазан

 

С.Қайырбекова Мемлекет басшысына еліміздің денсаулық сақтау жүйесін дамытудың жай-күйі мен басымдықтары, сондай-ақ министрліктің өткен жылдағы қызметінің негізгі нәтижелері туралы баяндады.

Нұрсұлтан Назарбаев ана мен бала өлімін әлі азайту, сондай-ақ халықтың денсаулық деңгейін арттыру мен қазақстандықтардың өмір жасын ұзарту жөнінде жүйелі шаралар қабылдау бағытындағы жұмыстардың маңыздылығын атап өтті.

Министр Денсаулық сақтау саласын дамытудың 2011-2015 жылдарға арналған «Саламатты Қазақстан» мемлекеттік бағдарламасын іске асырудың нәтижелері туралы әңгімеледі.

Мысалы, 2013 жылдың 9 айының қорытындылары бойынша, 2012 жылдың аталған кезеңімен салыстырғанда, ана өлімі 24 %-ға, бала өлімі 17 %-ға, қан тамыры жүйесі ауруынан болатын өлім 6-%-ға, қатерлі жаңа пайда болған аурулар 4-%-ға, туберкулез ауруы 23,6 %-ға төмендеген.

Кездесу қорытындысында Нұрсұлтан Назарбаев ұлт денсаулығын нығайтуға және бәсекеге қабілетті денсаулық сақтау жүйесін қалыптастыруға бағытталған бірнеше нақты тапсырма берді.     


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің