National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Нұр-Сұлтан, Қазақстан

Қазақстан Республикасының Мемлекеттік хатшысы Гүлшара Әбдіқалықова «Reforms in Kazakhstan: An analytical View» атты кітапты таныстыру рәсіміне қатысты

2018 жылғы 03 наурыз

«Reforms in Kazakhstan: An analytical View» атты кітаптың авторы – Қазақстанның белгілі мемлекет және қоғам қайраткері, жоғары мектеп пен ғылым ісінің көрнекті ұйымдастырушысы, экономист ғалым Кенжеғали Әбенұлы Сағадиев.

Іс-шараға мемлекеттік органдар, ғылыми және шығармашылық қоғамдастық, бизнес өкілдері, жоғары оқу орындарының ректорлары, сонымен қатар профессорлар мен оқытушылар құрамы және еліміздің студенттер қауымы қатысты.

Мемлекеттік хатшы құттықтау сөзінде Елбасы Нұрсұлтан Назарбаевтың стратегиялық бағдарының маңызды басымдығының бірі отандық ғылымды дамыту екенін атап өтті. Мемлекет басшысы бүкіл Тәуелсіздік кезеңінде ғылымға және ғалымдарға әрдайым қамқорлық жасап, елдегі академиялық және қолданбалы зерттеулерге жан-жақты қолдау көрсетіп келеді.

Тәуелсіздік жылдары ғылыми қызметті басқарудың жаңа моделі, ғылымды қаржыландырудың заманауи тетіктері енгізілді. Мәселен, 2016 жылы 23 мың ғалым және 383 мекеме ғылыми-зерттеу жұмыстарымен айналысты. Жалпы, бұл салаға 38 миллиард теңге жұмсалған.

Гүлшара Әбдіқалықова бұл монография тәуелсіздік жылдарындағы Қазақстан экономикасының маңызды мәселелерін талдауға арналғанын, сондай-ақ онда автордың қоғамымызды дамыту барысындағы түрлі аспектілерге қатысты пікірі қамтылғанын атап өтті. Бұл еңбек бүкіл әлем үшін хрестоматияға айналып отырған Қазақстан жолын тереңнен толғайды.

Кітап тек біздің елде ғана емес, шет елдерде де кеңінен талқыланып, лайықты бағасын алды. Мәселен, Кембридж университетінің профессоры Сидхарт Саксен бұл еңбектің посткеңестік кеңістіктегі реформалар жөнінде нұсқаулыққа айналғанын атап өткен. Ал Мәскеу мемлекеттік университетінің профессоры Александр Бузгалиннің ойынша, бұл басылым – барлық мемлекеттер өз тәуелсіздігінің бастапқы жылдарында тап болған жаһандық сын-қатерлерді еңсеру ережелерінің өзіндік бір жиынтығы.

Іс-шара соңында Мемлекеттік хатшы Г.Н.Әбдіқалықова академик К.Ә.Сағадиевке мықты денсаулық, бақ-береке, жаңа шығармашылық табыс тіледі.


Кері қайту Кері қайту Twitter Facebook Басып шығару

Заңдар

2022 жылғы 21 қаңтар

Мемлекет басшысы «Қазақстан Республикасының Үкiметi мен Америка Құрама Штаттарының Үкіметі арасындағы Әуе қатынасы туралы келiсiмді ратификациялау туралы» Қазақстан Республикасының Заңына қол қойды


Президент Қасым-Жомарт Тоқаев «Орталық Азия – Қытай» атты мемлекет басшыларының саммитіне қатысты

2022 жылғы 25 қаңтар

Президент Қасым-Жомарт Тоқаев «Орталық Азия – Қытай» атты мемлекет басшыларының саммитіне қатысты

Жарлық

2022 жылғы 26 қаңтар

Мемлекет басшысының жарлықтарымен:


Tokaev

Қазақстан Республикасы Президентінің