National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Нұр-Сұлтан, Қазақстан

Елбасы Қазақстан халқының бірлігі күнін мерекелеуге арналған салтанатты іс-шараға қатысты

2015 жылғы 01 мамыр

 

«Нұрлы жол – жеңіс жолы» атты мерекелік шара елорданың «Қазақ елі» монументі алдындағы алаңда өтті.

Мемлекет басшысы Қазақстан халқын мерекемен құттықтап, өткен сайлауда ел азаматтары күш-жігері мен бірлігін бүкіл әлемге танытқанын атап өтті.  

– Көпэтносты халықтың тұтастығы мен тұрақтылығы арқасында Қазақстан  зор табыстарға жетті. Ел алдында тұрған міндеттерді орындау үшін бірлікті сақтау керек, – деді Нұрсұлтан Назарбаев.

Қазақстан Президенті сондай-ақ көрсеткен сенімі мен қолдауы үшін барша халыққа алғысын білдірді.

– Мені қолдаған барлық қазақстандықтарға алғыс айтқым келеді. Маған осы күндері еліміз бен әлемнің сан тарапынан, түрлі сала өкілдерінен мыңдаған құттықтау хаттар мен жеделхаттар, телефон қоңыраулары келіп түсуде. Бәріне үлкен рахмет айтамын. Осындай халыққа қызмет ету – ұлы мәртебе. Мен өзімді осы жұмысқа арнаған адаммын және Қазақстанның алға ілгерілеуі үшін, бізді бүкіл әлем құрметтеуі үшін және ел алдында тұрғаны міндеттерді табысты жүзеге асыру үшін бәрін жасайтын боламын. Біз мұны елдің және болашақ ұрпақтың алдындағы парызымызды орындадық деп айту үшін атқаруға тиіспіз, – деді Мемлекет басшысы.

Соңында Нұрсұлтан Назарбаев барша қазақстандықтарға бақ-береке және табыс тіледі.

***

Мерекелік шара аясында концерттік бағдарлама өтіп, оған Қазақстанның эстрада жұлдыздары, елордалық және өңірлік этномәдени бірлестіктер өкілдері, сондай-ақ республиканың шығармашылық ұжымдары қатысты.

Алаң аумағында этноауыл құрылып, елорданың ғана емес, елдің басқа қалаларының да этномәдени бірлестіктері өз ұлтының мәдениетін, болмысын, достық дәстүрі мен қонақжайлығын паш етті. 


Кері қайту Кері қайту Twitter Facebook Басып шығару

Заңдар

2021 жылғы 19 сәуір

Мемлекет басшысы «Еуразиялық экономикалық одақ шеңберінде бағалы металдармен және асыл тастармен операцияларды жүзеге асыру ерекшеліктері туралы келісімді ратификациялау туралы» Қазақстан Республикасының Заңына қол қойды


Президент Қасым-Жомарт Тоқаев Премьер-Министр Асқар Мамин мен Денсаулық сақтау министрі Алексей Цойды қабылдады

2021 жылғы 23 сәуір

Президент Қасым-Жомарт Тоқаев Премьер-Министр Асқар Мамин мен Денсаулық сақтау министрі Алексей Цойды қабылдады

Жарлық

2021 жылғы 19 сәуір

Мемлекет басшысының Жарлықтарымен:


Tokaev

Қазақстан Республикасы Президентінің