National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Президент Әкімшілігі


Жаңалықтар

Қауіпсіздік Кеңесі жанындағы Сарапшылық Кеңесінің отырысы өтті

Бүгін Президенттің көмекшісі – Қазақстан Республикасы Қауіпсіздік Кеңесінің Хатшысы Қалмұханбет Қасымовтың төрағалығымен «Қазақстан Республикасының азық-түлік қауіпсіздігінің өзекті мәселелері» бойынша Қауіпсіздік Кеңесі жанындағы Сарапшылық Кеңесінің отырысы өтті.

Отырыста еліміздегі азық-түлік қауіпсіздігіне жауапты мемлекеттік органдардың басшылары, Тамақтану академиясының, Қазақстандағы БҰҰ-ның Азық-түлік және ауылшаруашылық ұйымының Байланыс және серіктес бюросының, Ислам азық-түлік қауіпсіздігі ұйымының, «Қазақ агроөнеркәсіптік кешені экономикасы және ауыл-аймақтарды дамыту ғылыми-зерттеу институтының», Қазақстанның стратегиялық зерттеу институтының, Экономикалық зерттеу институтының, «Астана» халықаралық университетінің  жетекші ғалымдары мен сарапшылары, сондай-ақ, «Атамекен» Ұлттық кәсіпкер палатасының және «Қазақстанның фермерлер одағының» өкілдері қатысты.

Қалмұханбет Қасымов халықтың денсаулығына, әлеуметтік қамсыздандыруына және экономикалық дамуына үлкен әсер ететін азық-түлік қауіпсіздігін қамтамасыз ету проблемасына кешенді пысықтау жұмыстарын жүргізу қажет екеніне ерекше көңіл аударды.

Қазақстандық сарапшылар азық-түлік қауіпсіздігінің жан-жақты аспектілерін талқылады, соның ішінде, азық-түліктің қолжетімділігі, азық-түлік өнімдерінің сапасы мен қауіпсіздігі де қаралды.

Ауылшаруашылық министрі Сапархан Омаров ішкі нарықты азық-түліктің негізгі өнімдерімен қамтамасыз ету, оның ауқымын арттыру және елде өндірілетін ауылшаруашылық өнімдерін өндіруді дамыту бойынша атқарылып жатқан жұмыстардың негізгі бағыттарын баяндады.

Бизнес қауымдастығының өкілдері мен сарапшылары азық-түлік қауіпсіздігінің және тиісті бағдарламалық құжаттардың шарттарын өзектендіру, азық-түлік импортын реттейтін құралдары жетілдіру секілді мәселелер жайында өз пікірлерімен бөлісті.

Денсаулық сақтау министрі Елжан Біртанов тамақтану өнімдерінің қауіпсіздігін қамтамасыз ету, мониторинг пен бақылауды жетілдіру бойынша жүргізілетін жұмыс жөнінде хабарлады.

Сарапшылар тамақтану қауіпсіздігінің сапасын арттыру бойынша шаралардың, халықтың тамақтану сапасын бақылайтын мониторинг жүйесін енгізудің және оңтайлы тамақтану бойынша ұлттық шектеулерді пысықтаудың қажеттілігі туралы атап айтты.

Отырыстың нәтижесі бойынша Қауіпсіздік Кеңесіне арналған азық-түлік қауіпсіздігі саласында мемлекеттік саясатты жетілдіруге бағытталған ұсыныстар пысықталды.                                  

 


Кері қайту Кері қайту Twitter Facebook Басып шығару

Заңдар

2023 жылғы 06 ақпан

Мемлекет басшысы «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) және «Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы» Қазақстан Республикасының Заңына өзгерістер мен толықтырулар енгізу туралы» Қазақстан Республикасының Заңына қол қойды


Мемлекет басшысы Түркия Президенті Режеп Тайип Ердоғанмен телефон арқылы сөйлесті

2023 жылғы 06 ақпан

Мемлекет басшысы Түркия Президенті Режеп Тайип Ердоғанмен телефон арқылы сөйлесті

Жарлық

2023 жылғы 03 ақпан

Әскери қызметтің белгіленген мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2023 жылдың наурыз – маусымында және қыркүйек – желтоқсанында мерзімді әскери қызметке кезекті шақыру туралы