Бүгінгі мерекелік шараларды ең әуелі Мемлекет басшысы Қасым-Жомарт Тоқаев «Отан-Ана» монументіне гүл шоқтарын қоюмен бастаған болатын. Одан кейін, Мемлекеттік хатшы Ерлан Қарин аты аңызға айналған пулеметші, Кеңес Одағының батыры Мәншүк Мәметованың ескерткішіне гүл қоюмен жалғастырды. Жеңіс күніне арналған іс-шара елордадағы «Ақжайық» саябағында өтті. Алаңға жиналған қауым Ұлы Отан соғысында қаза болған жауынгер қазақстандықтарды бір сәт үнсіздікпен еске алды.