National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Президент Әкімшілігі


Жаңалықтар

Президент Әкімшілігінің Басшысы Батыс Қазақстан облысының жаңа әкімін таныстырды

Президент Әкімшілігінің Басшысы Мұрат Нұртілеу Орал қаласына жұмыс сапарымен барып, облыстың барлық деңгейдегі мәслихаттарының жиынына қатысты.

Алдымен Батыс Қазақстан облысының әкімі лауазымына Бауыржан Айтмағамбетов пен Нариман Төреғалиевтің кандидатураларын ұсыну туралы Мемлекет басшысының хаты оқылды.

Ашық дауыс беру нәтижесінде мәслихаттардың 37 депутаты Бауыржан Айтмағамбетовке, 123 депутаты Нариман Төреғалиевке дауыс берді.

Дауыс беру нәтижесі бойынша Президенттің Жарлығымен Нариман Төреғалиев Батыс Қазақстан облысының әкімі болып тағайындалды.

Президент Әкімшілігінің Басшысы облыстың жаңа әкімін таныстыра келе Нариман Төреғалиев жауапты қызметтерде мол тәжірибе жинаған маман екенін атап өтті.

Облыс әкімінің алдына өңір экономикасын дамыту, тозығы жеткен инженерлік желілерді жаңарту, көлік жолдарын қалпына келтіру, экология проблемаларын шешу міндеттері қойылды.

Мұрат Нұртілеу биыл қоғамдық маңызды шаралар көп болғанын, соның бәріне атсалысып жүрген облыс халқына Президенттің алғысын жеткізіп, өзінің ризашылығын білдірді. Сондай-ақ Әділетті Қазақстан құру жолында еңбек етіп, облыс тұрғындарының игілігі үшін Мемлекет басшысы жүктеген міндеттерді абыроймен орындау керек екенін айтты.

Сонымен қатар өңірді бұған дейін басқарған Ғали Есқалиевтің атқарған қызметіне Мемлекет басшысының алғысын жеткізді.

 

 

 


Кері қайту Кері қайту Twitter Facebook Басып шығару

Заңдар

2023 жылғы 06 ақпан

Мемлекет басшысы «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) және «Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы» Қазақстан Республикасының Заңына өзгерістер мен толықтырулар енгізу туралы» Қазақстан Республикасының Заңына қол қойды


Мемлекет басшысы Түркия Президенті Режеп Тайип Ердоғанмен телефон арқылы сөйлесті

2023 жылғы 06 ақпан

Мемлекет басшысы Түркия Президенті Режеп Тайип Ердоғанмен телефон арқылы сөйлесті

Жарлық

2023 жылғы 03 ақпан

Әскери қызметтің белгіленген мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2023 жылдың наурыз – маусымында және қыркүйек – желтоқсанында мерзімді әскери қызметке кезекті шақыру туралы