Кездесуде парламентаралық ынтымақтастықты одан әрі нығайту мәселесі талқыланды. Тараптар екі елдің парламенттері арасында ғана емес, экономикалық мәселелерде де сенімді диалог орныққанын қанағаттанушылықпен атап өтті. Бұл ретте энергетикалық саладағы табысты ынтымақтастық айрықша көрініс тапқан. – Қалыптасқан өзара тиімді инвестициялық серіктестік мәдени-гуманитарлық ынтымақтастықты кеңейтуге де жақсы негіз қалайды. Мәдени-білім беру бағытындағы алмасуларды, академиялық орта, шығармашылық қауымдастық өкілдері арасындағы байланысты күшейту қажет,– деп атап өтті Қазақстан Республикасының Мемлекеттік хатшысы.