Жаңалықтар

20 қараша 2014
Мемлекет басшысы Қазақстанға ресми сапармен келген Швейцария Конфедерациясының Президенті Дидье Буркхальтермен кездесті

Кездесу барысында екі мемлекеттің басшылары сауда-экономикалық, инвестициялық және мәдени-гуманитарлық салалардағы өзара іс-қимылды нығайтудың негізгі мәселелерін талқылады.

 

Кездесу барысында екі мемлекеттің басшылары сауда-экономикалық, инвестициялық және мәдени-гуманитарлық салалардағы өзара іс-қимылды нығайтудың негізгі мәселелерін талқылады.

Сондай-ақ халықаралық күн тәртібіндегі өзекті жайттар жөнінде пікір алмасылды.

Нұрсұлтан Назарбаев пен ЕҚЫҰ іс басындағы төрағасы болып отырған Дидье Буркхальтер Ұйым қызметінің маңызды тұстары туралы да сөз қозғады.

Мемлекет басшысы Швейцария Қазақстанның Еуропадағы маңызды экономикалық серіктесі екендігін атап өтті.

– Сіздің ел Қазақстанға 2005 жылдан бері 12 миллиард долларға жуық инвестиция салды. Мұнда елу шақты швейцариялық компания мен бірлескен кәсіпорындар жұмыс істейді. Қазақстан Халықаралық валюта қорының швейцариялық кіші тобына қатысады. Біздің елдеріміз сыртқы саясатпен қатар ішкі саяси мәселелер бойынша да тығыз ынтымақтасып келеді, – деді Нұрсұлтан Назарбаев.

Швейцария Президенті өз кезегінде жылы шырайлы қабылдау үшін ризашылығын білдіріп, бұл оның Қазақстанға алғашқы сапары екенін айтты. Сондай-ақ Д.Буркхальтер екі елдің өзара қарым-қатынастары жоғары деңгейде екеніне назар аудара отырып, бірқатар перспективалы бағыттардың да бар екенін атап өтті. 


Барлық жаңалықтар
 
Өзге де кездесулер мен қабылдаулар
Барлық кездесулер мен қабылдаулар